SAMBA-LELE’ (Samba-Lelê)
 

Samba-Lele’ malsaniĝis
Al ŝi doloras la kapo.
Mi opinias ke ŝi nur
Saniĝos post forta bato.

Tretu, tretu, ho mulatino
Jupan randon, ho mulatino (dufoje).

SANKTA KLARA KLARIGIS (Santa Clara clareou)

Sankta Klara klarigis,

Sankta Dimanĉo dimanĉigis,

For pluvo,

Venu sun’.

(kantas Isa, Ana, Leo)

Ĉi tiu kanzoneto estas sorĉaĵo por forpeli la pluvon kaj venigi la sunon.

FALAS ROSO, ROSO FALAS (sereno eu caio caio)

Falas roso, roso falas
Falas falas kun obstin’.
Kaj la dormon malpermesas
De la bela amatin’.
Mia vivo, ajaj,
Estas barko, ajaj,
Kiu flosas sen direkto ia.
Se mi havus, ajaj,
La lumaĵon, ajaj,
De la blua okulparo via.

Falas roso, roso falas…

(kantas Ana Eduarda kaj Jorge Teles)

Noto: Ĉi tiu kanzono, malgraŭ la ordinara konsidero, ne estas folkloraĵo. Ĝin verkis Antonio Almeida (1911-1985). Ĉar mia paĝo ne havas komercajn celojn, mi daŭre prezentas ĝin.