Poemaĉo:
Dormema avino.
Avineto dormas, dormas,
pro dormemo kaj pro laco.
Avineto, kiam dormas,
furzas, furzas sur matraco.
Poemeto:
La freneza horloĝo
Ĉik-tak-ĉik-tak.
Je la unua, kudril’ sentrua.
Ĉik-tak-ĉik-tak.
Kaj je la dua, silento brua.
Ĉik-tak-ĉik-tak.
Kaj je la tria, multaĵ’ nenia.
Ĉik-tak-ĉik-tak.
Kaj je la kvara, dolĉaĵ’ amara.
Ĉik-tak-ĉik-tak.
Kaj je la kvina, japano ĉina.
Ĉik-tak-ĉik-tak.
Kaj je la sesa, neado jesa.
Ĉik-tak-ĉik-tak.
Kaj je la sepa, avino nepa.
Ĉik-tak-ĉik-tak.
Kaj je la oka, amaso poka.
Ĉik-tak-ĉik-tak.
Kaj je la naŭa, samec’ kontraŭa.
Ĉik-tak-ĉik-tak.
Kaj je la deka, likvaĵo seka.
Ĉik-tak-ĉik-tak.
Je l’ dekunua, feraĵ’ bambua.
Ĉik-tak-ĉik-tak.
Je la dekdua, nigraĵo blua.
Visitas: 581