SANKTEGA MESO
Introitus
Fermiĝu ĉiuj sakralaj libroj!
Silentiĝu ĉiuj sacerdotoj!
Estingiĝu la lampoj de la tabernakloj!
Iu disverŝu sur la kaheloj de la konsekrita planko
la benitajn akvojn!
Oni kaŝu la sanktulojn per nigraj kovrotukoj!
Ke la sanktigita trono iĝu malplena!
La buĉoferaĵoj estu disĵetataj al hundoj kaj porkoj
kaj iu sigelfermu la pordegojn de ĉiuj temploj!
Silentu!, kantikoj kiuj intencas ofendi
la diajn orelojn!
Haltu!, kruroj kiuj volas danci
la favorpetajn dancojn.
Estu levataj la tranĉiloj de la oferbuĉoj!
Pano de la pasema malsato
kaj vino de la eta ebriiĝo!
Kvietiĝu, ĉio!
Silentu, ĉiuj!
Haltu!
Ĉu ne veras ke la homo ĉiam kreis
diojn laŭ sia bildo?
Do, mi teksadu nun la bildon
de mia nova dio!
Estu ĝi pli ol laŭ mia bildo
Sed laŭ la bildo de la Homo!
Sanktega pretendo!
Sanktega aŭdaco!
Sanktega humileco!
Continue lendo “skeptika trilogio 01. sanktega meso”