Resumo:
Paŝtisto senesperiĝas ĉar dum serĉado de la loko kie Jesuo naskiĝis, li perdiĝis. Li renkontas alian paŝtiston kun ermito. La ermito trankviligas lin kaj asertas al li ke li sukcesos vidi la ĵusnaskitan infanon. Venas kavaliro, kiu estis kun la tri Magoj kaj ankaŭ perdiĝis. Ĉi tiu rakontas ke ili sekvadis stelon. Kiam la ermito aŭdas de la kavaliro la priskribon pri la stelo, li perceptas ke estas la Redemptoro tiu, kiu naskiĝis, kaj parolas pri la psalmoj kiuj anoncas la naskiĝon de la Mesio kaj la adoradon de la Magoj. La tri Magoj eniras kaj ili kantas antaŭ la kripo.
GV007. La tri Magoj
| Quando la Vírgen bendita Lo parió, Todo el mundo lo sentió. Los coros angelicales Todos cantan nueva gloria; Los tres Reyes la victoria De las almas humanales. En las tierras principales Se sonó Quando nuestro Dios nació. |
Kiam la benata Virgulino naskis lin, La tuta mondo komprenis. Ĉiuj anĝelaj korusoj kantas la novan gloron. La tri Magoj kantas la venkon De la homaj animoj. En ĉiuj gravaj landoj Aŭdiĝis Kiam nia Dio naskiĝis. |
(kantas Geovani Dallagrana, Gerson Marchiori e Graciano Santos)
Komentario:
Laŭ informo en la komenco de la teatrajo, la maljuna reĝino, Leonor, kiu iĝis la protektantino de Gil Vicente, post la prezentado de la antaŭa Akto, petis teatraĵon por la Epifanio. Se tio veras, Gil Vicente preparis ĝin dum dekdu tagoj. Tio klarigas ĝian mallongecon. Ĝi enhavas nur unu kanzonon.
Valerio, unu el la paŝtistoj, respondecas pri la komikaĵo, kiam li priskribas kiel estus la virinoj, se Dio volus ke la viroj ne amus ilin.